؛ تویوغ تورک ادبیاتیندا اسکی بیر قالیب

اسکی تورک ادبیاتینا دوغما اولان بیر چوخ ادبی قالیب و ژانرلار واردیر. بونلارین بعضی لری او جومله دنقوشما، گرایلی، بایاتی کیمی قالیب لر چیشیدلی دونم لرده شاعیرلر طرفیندن داها آرتیق، بعضی لری ده محدود بیچیمده استفاده اولونموشدور. اسکی ادبیاتیمیزا عاید اولان بو محدود قالیب لردن بیری تویوغ tuyuğ دور، تویوغ / تویوق تورک شعرینه مخصوص اولان بیر شعر قالیبی دیر. قافیه لی، وزنلی 4 مصراعدان اولوشان و مضمونجا باشقا دوردلوک لردن سیچیلن بو شعر قالیبی نین گوزل اورنک لرینی قاضی برهان الدین، نسیمی،امیرعلیشیر نوایی کیمی شاعیرلرده گورمک اولور. گورونوشجه دورد مصراعسی نین 1، 1، 4.جو مصراعلاری همقافیه اولان بو شعر نووعو گیت-گیده گلیشیر و آذربایجان شعرینده 8.جی یوز ایللیکده یازیب یارادان آذربایجان شاعیری قاضی برهان الدین احمد ین شعرینده ان اساس ییر توتور. داها دوغروسو سایجا آز اولدوغونا باخمایاراق، برهان الدینی تویوغ لار شاعیری آدلاندیرماق اولار. اونون تویوغلاری عروض اولچولو و عروضون بحر رمل مسدس مقصور (فاعلاتن فاعلاتن فاعلات) اولچوسونده یازیلمیشدیر.

Keywords:

تویوغ , دوردلوک , ادبی قالیب